SÁBADO, 24 de SETEMBRO do 2021
10:30 – 14:00 / 17:00 – 22:30
“Se es pequeno e es freak, vén ao pequefreak”, con esta frase na cabeza marcharon dúcias de pequefreaks tras pasar pola primeira edición deste mini festival celebrado dentro da pasada edición do GFFF.
Namoráramos a un grupo de freaks e cinéfilos en potencia, polo que non podía entrar nos nosos plans non repetir a experiencia. Por iso, volvemos co Pequefreak – O meu primeiro festival, un día enteiro dedicado ao público infantil e xuvenil, un evento no que as nais e pais, tías e tíos, poderán iniciar aos más cativos no marabilloso mundo do cinema freak. Unha completa xornada na que os/as pequefreaks poderán vivir a experiencia de desfrutar dun festival de cinema.
Coa inestimable axuda do Concello de Vigo, celebramos o 24 de setembro este mini-festival cunha programación dedicada ao cinema:
Nota: a excepción do Obradoiro, no resto de actividades os pequefreaks deben ir acompañados por un adulto. O abono das proxecións non inclúe o Obradoiro.
10:30 – 12:30
OBRADOIRO FX’s por SPENCER
Os pequefreaks descubrirán o fantástico mundo dos efectos especiais neste obradoiro impartido polo artista Ricardo Spencer, no que aprenderán a facer FXs de maquillaxe (feridas, hematomas ou sangue) empregando materiais sinxelos que poderán atopar ata na casa.
Actividade para maiores de 6 anos.
18:30 – 20:30
INMERSIA
Realidade Virtual
Tralo enorme éxito da pasada edición repetimos a nosa colaboración coa empresa INMERSIA pioneira en ocio de realidade virtual. Esta actividade está dedicada a introducir aos máis pequenos no mundo da robótica e a electrónica de xeito divertido. Poderán gozar de varios xogos e experiencias con gafas e mandos de realidade virtual.
Actividade para maiores de 7 anos.
SELECCIÓN OFICIAL
A sección oficial, na que os pequefreaks elixirán a súa obra favorita, está composta por 17 curtametraxes, vidas de todas as partes do mundo. Entre elas: 13 filmes nunca vistos en Galicia, dos que 7 son estreas en España e 6 en Galicia.
Unha Sección Oficial creada por e para eles da que poderán presumir de ter visto traballos non proxectados ata a data no noso país!
12:30 – 14:00 CURTAS TP
LION BLEU
18′ / FRANCIA / 2021
Zoïa Trofimoa
Un campesiño solitario acolle a un gatiño en apertos. Pero o día que se converte nun gran león azul, os aldeáns asústanse e desconfían deste temible forasteiro e escorréntano. O campesiño e os seus animais viaxan entón polo mundo para atopar un lugar onde establecer o seu fogar.
ESTREA EN ESPAÑA
- Premio, KFF – Kaohsiung Film Festival (Taiwán, 2021)
- Trickfilm – Festival Internacional de Cine de Animación de Stuttgart (Alemaña, 2022)
- Clermont-Ferrand International Short Film Festival (Francia, 2022)
- Festival International de Film d’Animation de Varna (Bulgaria, 2022)
GÜNTHER FALLS IN LOVE
2′ / IRLANDA / 2020
Josephine Lohoar Self
É o día de Nadal e Günter, un carlino gordiño, observa desde a súa cama de can como a súa familia humana desenvolve os seus agasallos. Cando un neno desinteresado tira un vello xoguete da familia ao seu carón, Günter queda namorado.
ESTREA EN GALICIA
- Nomeada a Mellor Curta de Animación Irish Film & Television Academy Awards (Irlanda, 2021)
- New York International Children’s Film Festival (EUA, 2021)
- Clermont-Ferrand Short Film Festival (Francia, 2022)
- The Short Com International Film Festival (Reino Unido, 2022)
YAY
3′ / ALEMAÑA, EUA / 2021
Anne Isensee
Lily Armstrong e os seus amigos Carla e Dubio viven nun mundo de escuridade – ata que Lily descobre que hai un mundo arriba cheo de cor, música e aventura. As tres amigas deben combinar as súas forzas para saír xuntas da escuridade.
ESTREA EN ESPAÑA
- LINOLEUM Contemporary Animation and Media Art Festival (Ucrania, 2021)
- Woodstock Film Festival (EUA, 2021)
- New Directors New Films Festival FESTinha Espinho (Portugal, 2021)
- Athens Animfest (Grecia, 2022)
WELCOME TO GARDENLAND
7′ / GALICIA / 2021
Aarón Pérez Pardiñas
Nun mundo onde as plantas ocuparon o lugar dos humanos, a familia Jefferson está a piques de vivir un día en grao sumo tolo. Descobre o incrible mundo de Gardenland da man dunha das familias máis particulares.
- Festival de Cans (Galicia, 2022)
- DC Independent Film Festival (EUA, 2022)
- Athens Animfest (Grecia, 2022)
BEEWARE
3′ / FRANCIA / 2021
Coline Chappe
Unha abella sedenta acaba bebendo nunha piscina. Un neno cre que se está afogando e trata de salvala… Para ben ou para mal.
ESTREA EN ESPAÑA
- Festival Court Mais Bon (Francia, 2022)
- 44th Moscow International Film Festival (Russia, 2022)
- Festival du Film Jeune de Lyon (Francia, 2022)
MIDO ET LES INSTRUMEAUX
6′ / FRANCIA / 2020
Roman Guillanton
Mido vive só e encántalle cantar, cando un día unha banda musical de animais detense na súa casa.
ESTREA EN GALICIA
- Cinanima (Portugal, 2021)
- La Guarimba Film Festival (Italia, 2021)
SPACAPUFI (SPUFFIES, JUBEES)
11′ / ESLOVENIA / 2021
Jaka Ivanc
Aos Spuffies gústanlles moito os jubeys. Tras comer a última froita deliciosa, a fame está a piques de chegar, polo que se dirixen á casa do vello Poofler a través do tenebroso bosque. Alí coñecen e fanse amigos dunha araña que lles mostra o camiño cara á arboleda dos jubees.
ESTREA EN ESPAÑA
- Guanajuato International Film Festival (México, 2022)
KAYAK
6′ / FRANCIA / 2021
Solène Bosseouf, Flore Dechorgnat, Tiphaine Klein, Auguste Lefort, Antoine Rossi
A excursión en kaiak dun pai e o seu bebé por un apracible río convértese nunha auténtica aventura familiar.
- Premio, Festival Internacional de Cortometrajes de Vila do Conde (Portugal, 2022)
- Festival Internacional de Rhode Island (EUA, 2022)
- La Guarimba Film Festival (Italia, 2022)
- Anima (Bélxica, 2022)
17:00 – 18:30 CURTAS +7
THE SOLOIST
8′ / FRANCIA / 2021
Yi Liu, Feben Elias Woldehawariat, Razahk Issaka, Mehrnaz Abdollahinia, Celeste Jamneck
Nun pequeno pobo rexido por leis ridículas, tres irmás cantantes e o seu can ensaian para o Festival Anual de Outono. Pero un evento inesperado desbaratará os seus plans.
- Rhode Island International Film Festival (EUA, 2022)
- Vila do Conde International Short Film Festival (Portugal, 2022)
- Clermont-Ferrand International Short Film Festival (Francia, 2022)
- Stuttgart Trickfilm International Animated Film Festival (Alemaña, 2022)
HARU
4′ / FRANCIA / 2020
Jean Grandgirard, Sophie Noël, Christophe Jeudy, Grégoire Dehame, Julie Durandy
Seiryu, o deus dragón da primavera, sae do seu sono para dar vida á natureza. Con todo, non conta co demo da noite, Ugetsu, que vén impedilo.
ESTREA EN GALICIA
- Festival du Film Merveilleux et Imaginaire (Francia, 2021)
- Festival Animayo (España, 2021)
- Festival Galacticat – Festival de Cinema Fantàstic i Terror de Ponent a Tàrrega (España, 2021)
EL SEPULTURERO
5′ / ESPAÑA / 2022
Juanca Arniz
Un curioso cativo penetra no cemiterio do seu pobo para acompañar ao sepultureiro durante unha noite de traballo.
ESTREA EN GALICIA
- Terror Molins Film Festival (España, 2022)
- Corrosivo Film Fest (Costa Rica, 2022)
- Festival Infantil y Juvenil Chulpicine (Ecuador, 2022)
- MADRIFF Madrid Indie Film Festival (España, 2022)
AIRBORNE
8′ / POLONIA / 2021
Andrzej Jobczyk
Unha conexión entre o mundo das máquinas voadoras e o reino da flora e a fauna. Absorto na loita, un piloto perde o seu obxectivo e o seu avión estrélase contra a copa dunha árbore. O que parece un final tráxico abre unha nova etapa na historia.
ESTREA EN ESPAÑA
- REGARD – Saguenay International Short Film Festival (Canadá, 2021)
- Festival Le Plein de Super (France, 2022)
- Clermont-Ferrand Short Film Festival (France, 2022)
- ANIMA – Brussels International Animation Film Festival (Bélxica, 2022)
VENT D’HIVER
4′ / FRANCIA / 2021
Jeremy Andriambolisoa, Théo Duhautois, Quentin Wittevrongel, Alicia Massez, William Ghyselen, Thomas Dell’Isola
Atrapados nunha violenta tormenta de neve, os coellos buscan refuxio no castelo do seu rei.
- Mención Especial, SEFF – Santiago del Estero Film Festival (Arxentina, 2022)
- BANJALUKA International Animated Film Festival (Bosnia, 2021)
- FIA – Festival Internacional Animación (Uruguai, 2021)
- Lund International Fantastic Film Festival (Suecia, 2021)
CANNED LIFE
4′ / TAIWAN / 2021
Yu-Ling Chang
Todos os días, o protagonista é espremido dun tubo de pasta de dentes e forzado a ir ao traballo. Un traballo interminable. Ao acabar a xornada, de volta á pasta de dentes, e así, día tras día.
ESTREA EN ESPAÑA
- Panama Series Festival (Panamá, 2022)
- The 6th Open Air Short Film Festival (Belarús, 2022)
- AFTERLIFE Film Festival (Suráfrica, 2022)
- T-Short Animated Film Online Festival (Alemaña, 2022)
LUNA LLENA
4′ / BÉLXICA / 2020
Isabel García Moya
Burger e Tortilla pasean á luz da lúa. No seu mundo imaxinario, atópanse con criaturas fantásticas…
ESTREA EN ESPAÑA
- Mención Especial, T-Short Animated Film Festival (Alemaña, 2022)
- Festival International du Court Métrage de Clermont-Ferrand (Francia, 2022)
- Carrousel International du Film de Rimouski (Canadá, 2022)
- Insomnia International Animation Film Festival (Rusia, 2021)
STARS ON THE SEA
6′ / COREA DO SUR / 2021
Seung-Wook Jang
É un día calquera, ata que a casa empeza a encherse de auga.
ESTREA EN GALICIA
- Premio Shorter Teens, ShorTS International Film Festival (Italia, 2022)
- Premio de Ouro, DigiCon6 Asia, Korea Local Award (Corea do Sur, 2021)
- Rural FilmFest (España, 2022)
- Fantasia International Film Festival (Canadá, 2022)
SIERRA
16′ / ESTONIA / 2022
Sander Joon
Un pai e o seu fillo están a perder a carreira popular. Para gañar, o neno convértese nun pneumático de coche. Inspirada na infancia do director, Sierra introdúcenos no surrealista mundo das carreiras de coches.
- Mellor Animación Internacional, Animatricks International Animation Festival (Finlandia, 2022)
- Mellor Curtametraxe, Cinema Jove – International Film Festival of Valencia (España, 2022)
- Segundo Premio, Short Waves Festival (Polonia, 2022)
- Premio do Público, GLAS Animation Festival (EUA, 2022)
20:45 FILME:
TRON (1982)
96′ / EUA /1982
STEVEN LISBERGER
O broche final a esta xornada de cinema infantil será a proxección deste clásico de 1982 dirixido por Steven Lisberger.
Protagonizada por un noviño Jeff Bridges, o filme supuxo un antes e despois grazas a súa inconfundible estética, creada por Syd Mead (responsable tamén de Blade Runner ou Aliens) e polo coñecido debuxante frances Moebius, así como polas súas innovadoras e pioneiras escenas creadas por ordenador.
Quedarán os pequefreaks tan abraiados coa película como os seus pais hai 40 anos?
End of line.
ENTREGA DE PREMIOS
Para finalizar esta edición anunciarase a/o gañador do Gran Premio “Olimpo dos Pequefreaks” que será outorgado á curtametraxe máis aplaudida.
Se es pequeno e es freak,
vén ao Pequefreak!
INFORMACIÓN IMPORTANTE:
1. Abono:
O abono NON INCLÚE O OBRADOIRO nin INMERSIA, só inclúe as proxecións. Lembra collelos a maiores se queres asistir a todo.
2. Acceso:
A excepción do Obradoiro, no resto de actividades os pequefreaks deben ir acompañados por un adulto.
3. Obradoiro
- ACTIVIDADE PARA MAIORES DE 6 ANOS.
4. Inmersia Realidade Virtual:
Esta actividade ten PRAZAS MOI LIMITADAS.
Para poder acceder a ela ten que cumprirse os seguintes puntos:
- ACTIVIDADE PARA MAIORES DE 7 ANOS.
- Adquirir unha das modalidades de entrada (Abono, curtas ou filme) por cada praza solicitada.
- Máximo un cativo por entrada e por vez.
En caso de incumprir calquera de estas condicións cancelaranse as inscricións.
Os pequefreaks inscritos pasarán por orde de chegada durante a actividade que se celebrará entre as 18:30 e as 20:30h.
